Taboleiro de Anuncios	Asociación Veciñal Cultural e Recreativa San Mamede de Zamáns
ANUNCIOS -Curso de fútbol con monitor, comezo 6 de xullo,os martes de 18-20h.Prezo 15€/mes. -Curso de baile moderno para rapaces e rapazas. Comezo no mes de xullo, un día á semana 1,5h, prezo 15€. -Festa da Espuma. Sábado, 31 de xullo a partir das 18h con música, baile e moita, moita espuma. -Campionato de petanca, o luns 16 da agosto.(Festividade San Roque) ********************************	ANUNCIOS -Está á vosa disposición un contenedor para reciclar aceite, atópase fóra do centro e pregamos que cada persoa bote dentro do bidón o seu aceite. -Visita a web da Parroquia www.zamans.net -Xa está en funcionamento a biblioteca e a videoteca do Centro Cultural. -Se desexas ter o carné de socio da Asociación, por favor, entréganos a túa fotografía. -Recibos dos socios. O prazo de pago está comprendido entre o 1 de xaneiro e o 31 de marzo,debendo abonar 30€ os recibos familiares e 20€ os unifamiliares, o pago pódese efectuar no Centro ou en calquera oficina de Caixanova na conta 2080-0082-4-1-0040004240. ********************************** Teléfonos de interés: Centro Cultural: 986468039 Avarías no Alumeado Público:900333365	PROGRAMACIÓN FESTA DO SOCIO 2010
-	NIF:G36691855 Estrada Zamáns, 251 - 36310 Zamáns (Vigo) Tfno-Fax:986 468039 Email: zamans@zamans.org

Zamáns, 25 - xuño -2010

Estimados socios/as:

Achegámosvos a programación da Festa do socio que se celebrará o vindeiro sábado 3 de xullo nas instalacións do Centro Cultural.

Contaremos coa exposición dos traballos realizados nos cursos da vogalía de muller, bolillos, tapizado, pintura... e tamén cunha exposición de fotografías.

As actuacións comezan ás 18:30h, será o grupo de pandereteiras da Asociación “Abeleira” quen inicie a festa.

Sobre as 19h poderemos disfrutar do baile e da música do grupo de baile Xinela da Asociación acompañado por un grupo de gaitas.

A continuación, sobre as 20h do serán, acompañaranos a Banda "Escola de Música da UVCD de Candeán".

Dentro do programa de actuacións, debido ó éxito do ano pasado, contaremos coa intervención dun coñecido humorista da TVG “Somoza”, que conta cunha intensa traxectoria por vilas galegas e incluso máis aló das nosas fronteiras, como na Arxentina, a súa intervención será a partir das 21h.

Para poñer unha nota gastronómica ó evento, haberá pinchos variados para tódolos socios presentes a partir das 21:30h, farase unha homenaxe a un socio e realizarase tamén o sorteo dunha fin de semana para 2 persoas no Hotel- Balneario de Mondariz.

E como broche final da festa, disfrutaremos dun concerto do Grupo Folk Virandeira da Asociación a partir das 22:30h.

_________________________________________________________________________________

-Recibos socios

Ademáis da programación queremos recordarvos que aínda quedan pendentes de pago algúns recibos, debendo abonar 30€ os recibos familiares e 20€ os unifamiliares, o pago pódese efectuar no Centro ou en calquera oficina de Caixanova na conta 2080-0082-4-1-0040004240.

Aproveitamos para poñernos como sempre a vosa disposición e agradecervos a colaboración.

Recibide un cordial saúdo.